طبعا جزاكى الله خيرا
بس لى تعليق ومعلش من غير ما تزعلى منى وانا واثقه انك مش هتزعلى لان ده للصالحنا كلنا وكل المسلمين
لى رجاء بسيط انك مش تنزلى اى دعاء (قيل انه عن لسان الحبيب المصطفى) او اى حديث بدون اسناد
يعنى عن صحيح مسلم صحيح البخارى عن فلان عن فلان عن فلان وده طبعا للوثوق من سلامه الحديث
والله انا بقول كده خوفا عليكى مش اكتر لان اللى يسند اى شئ للرسول وهو غير صحيح جزائه هو النار واليعوذ بالله من عذاب النار
وخلى بالك انتى كتبتى عن جبريل يعنى منزل من عند الله سبحان وتعالى وبعدين قلتى عن سيدنا محمد صلى الله عليه وسلم يعنى استندتى الحديث لله سبحانه وتعالى وللرسول
انا بقول كده لان وقع فى ايدى كتاب وقرأته وبدأت اشك فى الاحاديث اللى مكتبوه لانى نصحتنى اخت غاليه ربنا يحفظها انى لما اشوف حديث لازم ابص على الاسناد ان كان ضعيف ولا قوى ولما قرأت الكتاب كان كل اسناد الاحاديث ضعيفه والاحاديث الضعيفه انتى عارفه ان احنا بنأخدها بفضائل الاعمال
وبدأت فى الكتاب ده اقرأ احاديث غير مسنده تماما وبدأت اسئل عن اسندها
خدى بقى الصدمه دى
اتصدمه لما عرفت ان دى احاديث ملفقه ده اولا
ثانيا الكتاب اصله صوفى
تخيلى انك بتقرأى فى كتاب وتلقى نفسك بتقرأى للصوفيه وللاحاديث ملفقه
انا مش بشكك فى الحديث هو كلام حلو ودعاء رائع
بس فى فرق كبير بين انى اقول ده دعاء حلو اوى ياريت ندعى به وان شاء الله ربنا يستجيب لينا
وبين انى اقول عن جبريل عن الرسول صلى الله عليه وسلم
ساعتها الحساب من عند ربنا بيبقى الضعف والله انا مش بكتب الكلام ده الا خوف عليكى لانى وقعت فى حاجات زى دى ومش احب اخت لى فى الله انها تقع فى نفس الاخطاء
وربنا يحفظنا كلنا
وبارك الله فيكى واعزك ورفعك الى اعلى الدرجات الجنه
اختك فى الله
نور على نور 
السبت يناير 06, 2007 2:37 am
