Abedalellah عضو فعال
عدد الرسائل : 101 العمر : 39 الدولة : أم الدنيا الوظيفة : مشروع طبيبة المؤهل : ثانوية عامة تاريخ التسجيل : 04/01/2007
| موضوع: إنقاذ الحياة السبت يناير 20, 2007 12:11 am | |
| basic life support انقاذ الحياه حد فينا عنده فكره ازاي يساعد مصاب مثلا في الطريق العام اكيد كلنا شفنا الموقف ده ان يكون حد مصاب في حادثه ومش قدرنا نعمل حاجه واللي منعرفوش ان في معظم الحوادث وفاه الاشخاص بتنتج من النقل الخاطئ يعني تلاقي الشباب شايلين الراجل كده مرابعه هيلا بيلا طبعا ده غلط طب ازاي نساعد لو احنا في الموقف ده اولا لازم نعرف ان مساعدتك للريض ده واجب عليك يعني لازم تكون ايجابي اولا قبل اي حاجه لازم تطلب المساعده من اللي حواليك وتطلب الاسعاف
ثانيا لازم تخلي بالك من سلامتك وتامن نفسك اولا ثم المصاب تامن نفسك من الطريق والكهربا والسموم عشان لو حصلك حاجه هيبقي عندنا اتنين مصابين مش واحد يعني خسرنا مش اضفنا لو قابلك مريض وقع ع الارض اغماء يعني لازم تعمل الاتي بالترتيب
اولا :اتاكد ان المصاب فاقد الوعي ازاي؟ حركه من كتفه ونادي عليه بصوت عالي اذا استجاب يبقي كويس
لو مفاقش هنروح لثانيا ثانيا:افتح فم المريض واتاكد ان مفيش جواه اي اجسام غريبه يعني دبابيس قطعه اكل كبيره حاجه زي كده افتح الممر الهوائي للمريض عن طريق اماله راس المريض لورا للخلف يعني ونرفع الذقن بالايد التانيه في حاله الحوادث منحركش راس المريض خالص
ثالثا: نشوف المريض ده بيتنفس ولا لا ازاي؟ تحط ودنك فوق فم المريض وتلاحظ حاجه من تلاته اولا حركه صدر المريض او اسمع صوت النفس من فمه او هتحس بهواء الزفير علي وجهك رابعاكخد نفس عميق وضع فمك فوق فم المريض وغطي فمه بالكامل اغلق انف المريض باصبعي الابهام والسبابه في وضع اماله راس المريض للخلف اللي قلنا عليه في الاول انفخ كل الهواء اللي في صدرك الي فم المريض علي مدي ثانيتين ابعد فمك عن فم المريض وكرر الحكايه مره واحده كمان
خامسا:افحص النبض للمريض ازاي عن طريق التجويف اللي موجود علي جانبي تفاحه ادم في الرقبه لمده لا تزيد عن 10 ثواني لو مش حسيت بالنبض ابدا الضغط الصدري ازاي؟ حدد نهايه عظه القص ضع الاصبع الوسطي علي هذه النقطه والسبابه اعلاه ضع قاعده يدك الاخري علي عظمه القص اعلي سبابه اليد الاولي مباشره كده احنا حددنا المكان بس ازاي هنعمل الضغط الصدري؟ ضع اليد الاولي فوق التانيه ابعد اطراف الاصابع عن الضلوع اقفل اصابع اليدين لتتشابك مع بعض افرد الذراع كامله عند الكوع تكون مفروده خالص الكتف يكون بمحاذاه عظمه القص عند المريض اضغط علي عظمه القص لتنزل 4 الي 5 سم الضغط 15 مره بانتظام نعد اثناء الضغط 1 2 3 4 قم باجراء 2 تنفس صناعي بعد كل 15 ضغطه طبعا ساعتها المفروض المريض يفوق ونعيد فحص التنفس والنبض كل دقيقيتن لحد ماالاسعاف يوصل
في حاله لو احنا عارفين ان الحاله نتيجه اختناق بجسم صلب اولا اجعل المريض ينحني للامام ايدك الشمال تحت صدر المريض اضرب بشده بقبضه ايدك اليمين علي منتصف ظهر المريض 5 مرات متتاليه ويكرر ذلك لحد ماالجسم يخرج
لو مخرجش اقف ورا المريض وشبك ايديك الاتنين حول بطن المريض اجذب ايديك بشده الي الخلف ولاعلي بطن المريض في خمس دفعات متتاليه نكرر ده لحد ما الجسم يخرج
الموضوع مش للدكاتره بس ده لاي حد ع المنتدي عشان المفروض كلنا نعرف المبادئ دي طبعا المفروض في تدريب عملي بس اللي قدرت عليه ااه الكلام ده تلخيص لدوره اشتركت فيها وحسيت ان لازم كلنا نعرفه ياريت كله يقرا الموضوع سلاااااااااااااااااااااااااااااااااام | |
|